Հայաստանի երրորդ նախագահ Սերժ Սարգսյանի գործով դատական նիստը 1 ժամով ընդմիջվել էր: Գործով անցնող առանցքային ամբաստանյալ, գյուղատնտեսության նախկին նախարար Սերգո Կարապետյանի և նախկին փոխնախարար Սամվել Գալստյանի հարազատները դիմել են դատարանին, որ մահվան հիմքով դադարեցվի վերջիններիս նկատմամբ քրեական հետապնդումը:
Դատարանը մեկ ժամով անցել էր խորհրդակցական սենյակ:
Ըստ մամուլի` հենց Սերգո Կարապետյանն էր ցուցմունք տվել Սերժ Սարգսյանի դեմ: Նախկին գյուղնախարար Սերգո Կարապետյանն ու գյուղփոխնախարար Սամվել Գալստյանը մահացել են կորոնավիրուսից հետո առաջացած բարդություններից:
Դատական նիստը շարունակվում է:
