Ձայների 77 կողմ, 35 դեմ, 1 ձեռնպահ հարաբերակցությամբ Ազգային ժողովն այսօր ընդունեց «Բարձրագույն կրթության և գիտության մասին» և կից ներկայացված օրենքների նախագծերի փաթեթն առաջին ընթերցմամբ:
Միջոցառման գլխավոր նպատակը կրթության և գիտության համակարգերի կառավարման արդյունավետության բարձրացումն է:
Երեկ ԿԳՄՍ նախարար Վահրամ Դումանյանն Ազգային ժողովում ներկայացնելով ոլորտին վերաբերող փոփոխությունների փաթեթը, մասնավորապես նշել էր՝ Բարձրագույն կրթության ու գիտության ոլորտները կարգավորող օրենքներն ընդունվել են 15-20 տարի առաջ ու չեն արտացոլում վերջին մեկուկես տասնամյակում առաջացած հանրային պահանջներն ու փոփոխությունները:
