«Թուրքիան Միացյալ Նահանգների դաշնակիցն է, որը, սակայն, շատ հաճախ գործում է այնպես, կարծես նման դաշնակից չի հանդիսանում», - անցած գիշեր Կոնգրեսում լսումների ժամանակ նման հայտարարությամբ է հանդես եկել ԱՄՆ ընտրյալ նախագահ Ջոզեֆ Բայդենի կողմից պետքարտուղարի պաշտոնում առաջադրված Էնթոնի Բլինքենը։
Նրա խոսքով՝ Անկարայի նման պահվածքը Վաշինգտոնի համար «լուրջ մարտահրավերներ է ստեղծում»։
«Անընդունելի է, երբ մեր ռազմավարական կամ այսպես կոչված ռազմավարական դաշնակիցը իրականում գործակցում է մեր գլխավոր ռազմավարական մրցակցի՝ Ռուսաստանի հետ», - հայտարարել է Բլինքենը։
