Վարչապետ Նիկոլ Փաշինյանի հրաժարականը պահանջող ցուցարարները երկրորդ գիշերն անցկացրեցին Հանրապետության հրապարակում։
Գիշերը հանգիստ է անցել, միջադեպեր չեն գրանցվել։
Նշենք, որ այսօր Կառավարություն հերթական նիստն է նախատեսված։ Ընդդիմադիրները երեկ հայտարարեցին, որ այսօր առավոտյան ժամը 10-ից շրջափակելու են Կառավարության շենքը՝ բոլոր կողմերից, որպեսզի Կառավարության ներկայացուցիչները չկարողանան մուտք գործել շենք և այսպիսով նիստը չկայանա։
«Նրանց նիստերը վաղուց արդեն կոպեկի արժեք չունեն, նրանք չպետք է վաղը կայացնեն կառավարության նիստ: Նիկոլ Փաշինյանը վաղը պետք է զրկվի իբրև վարչապետ կառավարության նիստ անելու հնարավորությունից», - երեկ հայտարարեց Դաշնակցության ներկայացուցիչ Գեղամ Մանուկյանը։
Ոստիկանությունն այսօր մեծ ուժեր է կենտրոնացրել Կառավարության շենքի մոտ։
