Արցախի խաղաղ բնակավայրերը թիրախավորելուց բացի, ադրբեջանաթուրքական ուժերն Արցախի գրեթե բոլոր շրջանների անտառային գոտիներում կիրառում են հրկիզող հրթիռներ, երեկ երեկոյան հայտնել է Արցախի Արտակարգ իրավիճակների պետական ծառայությունը:
Հասանելի վայրերում հրշեջ փրկարարները հրդեհը մարելու միջոցներ են ձեռնարկում, բայց աղետը շարունակում է մնալ օրախնդիր, նշված է հաղորդագրությունում:
«Ադրբեջանական կողմը հումանիտար աղետին փորձում է ավելացնել նաև բնապահպանականը` զգալի վնաս պատճառում նաև Արցախի կենդանական ու բուսական աշխարհին», - ընդգծում է Արցախի Արտակարգ իրավիճակների պետական ծառայությունը:
