Միացյալ Նահանգներում այսօր նախագահական ընտրությունների օր է:
Հանրապետական կուսակցության թեկնածուն գործող նախագահ Դոնալդ Թրամփն է, Դեմոկրատական կուսակցության թեկնածուն՝ նախկին փոխնախագահ Ջո Բայդենը:
Ձայների հաշվարկը սովորաբար մի քանի օր է տևում, բայց հաճախ հաղթողը հայտնի է դառնում արդեն քվեարկությանը հաջորդող գիշերը:
Այս անգամ, կորոնավիրուսի համաճարակի պատճառով, շատ ընտրողներ իրենց քվեաթերթիկները փոստով են ուղարկել, և դրանց հաշվարկը կարող է ավելի երկար տևել՝ մի քանի օր կամ նույնիսկ շաբաթներ:
Բայդենը և Թրամփը ընտրություններից առաջ վերջին օրը փորձեցին իրենց կողմը գրավել ընտրողներին առանցքային նահանգներում, որոնց ձայները կարող են որոշիչ դառնալ, և հորդորեցին իրենց կողմնակիցներին մասնակցել քվեարկությանը:
Ելույթ ունենալով Օհայոյում՝ Բայդենը հայտարարեց, որ ամերիկացիներին հոգնեցրել են Թվիթերում գրառումները, զայրույթը, ատելությունը, ձախողումը և անպատասխանատվությանը, որոնք, նրա պնդմամբ, բնորոշ են Թրամփի իշխանությանը:
Հյուսիսային Կարոլինայում հանրահավաքում Թրամփն ասաց, որ իրեն չի անհանգստացնում մրցակցի համեմատ ցածր վարկանիշը, և խոստացավ ամեն դեպքում հաղթանակ տանել:
ԱՄՆ նախագահական ընտրությունների արդյունքներին՝ ըստ նահանգների, առցանց կարող եք հետևել այստեղ
