Երեք մարդ է զոհվել այսօր առավոտյան Ֆրանսիայի հարավում գտնվող Նիս քաղաքի խոշորագույն կաթոլիկ տաճարի հարևանությամբ իրականացված հարձակման հետևանքով։ Ֆրանսիական լրատվամիջոցների փոխանցմամբ` Նիսի քաղաքապետ Քրիստիան Էստրոզին հայտնել է, որ դանակով զինված հանցագործը հարձակման ընթացքում արաբերեն բացականչել է «Ալահը մեծ է»։
Ֆրանսիայի ներքին գործերի նախարարությունը տեղի ունեցածն արդեն իսկ որակել է որպես ահաբեկչություն։ Նիսի քաղաքապետի խոսքով` առաջիկա ժամերին քաղաք կժամանի Ֆրանսիայի նախագահ Էմանյուել Մակրոնը։
