«Թուրքիայի փոխարտգործնախարար Սեդաթ Օնալի այսօր մեկնարկող մոսկովյան այցի ընթացքում ղարաբաղյան հակամարտությունը չի քննարկվելու», - TACC գործակալության փոխանցմամբ՝ այսօր այդ մասին հայտարարել է Ռուսաստանի փոխարտգործնախարար Սերգեյ Վերշինինը։
Նրա խոսքով՝ փոխարտգործնախարարների մակարդակում այսօր մեկնարկող բանակցությունների գլխավոր թեմաներն են լինելու Սիրիայում և Լիբիայում ծավալվող իրադարձությունները։ «Լեռնային Ղարաբաղի խնդիրը Սիրիայում ռուս-թուրքական համագործակցության հետ որևէ կապ չունի», - պնդել է Վերշինինը։
