Ադրբեջանական ուժերն այսօր վաղ առավոտից հրթիռակոծել են Սյունիքի մարզի Արծվանիկ համայնքը։ Այս մասին Ֆեյսբուքի իր էջով տեղեկացրեց ՊՆ ներկայացուցիչ Արծրուն Հովհաննիսյանը՝ շեշտելով՝ կրակը եղել է Կապանի շրջանի Արծվանիկ բնակավայրի ուղղությամբ։
Արծվանիկի համայնքապետ Անուշավան Հարությունյանն «Ազատության» հետ զրույցում ասաց, որ հրթիռակոծությունը սկսել է ժամը 9:30-ին, շարունակվել մինչև 11-ը։ Կա 1 զոհ և 3 վիրավոր։
Համայնքապետ Հարությունյանի խոսքով՝ այս պահին կրակը դադարեցված է:
