Ամերիկայի Միացյալ Նահանգներում կորոնավիրուսի զոհերի թիվը գերազանցել է 200 հազարը:
Ջոնս Հոփքինզի համալսարանի հրապարակած տվյալներով, ԱՄՆ-ում կորոնավիրուսով ախտահարվել է 6 միլիոն 800 հազար մարդ:
Նյու Յորքի նահանգում ավելի քան 33 հազար մարդ է մահացել, մահացության վիճակագրությամբ այդ նահանգին հաջորդում են Նյու Ջերսին, Տեքսասը, Կալիֆորնիան և Ֆլորիդան:
Միացյալ Նահանգները կորոնավիրուսից առավել տուժած երկիրն է աշխարհում: 100 հազար զոհերի թիվը գրանցվել է մայիսի 27-ին և 4 ամսում է կրկնապատկվել:
Վաշինգտոնի համալսարանի մասնագետները չեն բացառում, որ 2021 թվականի հունվարի 1-ին զոհերի ընդհանուր թիվը կարող է հասնել 370 հազարին:
Ամերիկացի առաջատար համաճարակաբան դոկտոր Էնթոնի Ֆաուչիի կարծիքով, աշնանը հնարավոր է ախտահարումների թվի կտրուկ աճ:
