Երկրի նախագահ Անդրես Մանուել Լոպես Օբրադորը ըստ ավանդույթի Մեխիկոյի հրապարակում ոգեկոչեց անկախության հերոսներին։
1810 թվականի սեպտեմբերի 16-ին խռովարար հոգևորական Միգել Հիդալգոն կոչ է արել Իսպանիայի գաղութացումից ազատվելու համար զենք վերցնել ու անկախության պայքար սկսել։ Մեքսիկան անկախության հասավ 11-ամյա պայքարից հետո՝ 1821 թվականին։
Այս տարվա տոնակատարությանը Մեխիկոյի կենտրոնական հրապարակը կիսադատարկ էր կորոնավիրուսի համավարակի պատճառով, բայց տոնակատարության բոլոր տարրերը պահպանվել են՝ զանգերի ղողանջներ, երաժշտություն, հրավառություն։
Այսօրվա դրությամբ Մեքսիկայում հաստատվել է կորոնավիրուսի ավելի քան 600 հազար դեպք, բարձր է մնում օրական արձանագրվող դեպքերի քանակը։ Համավարակի բռնկումից ի վեր Մեքսիկայում 71 հազարից ավելի մարդ է մահացել։
