Բուլղարիայի վարչապետ Բոյկո Բորիսովն ասել է, թե պատրաստ է հրաժարական ներկայացնել, եթե դա կօգնի ներքաղաքական ճգնաժամի հաղթահարմանը:
Բուլղարիայում շաբաթներ շարունակ բողոքի ակցիաներ են, վարչապետն ասել է, որ կարող է հեռանալ պայմանով, որ իր առաջնորդած աջակենտրոն կուսակցությունը պահպանի իշխանությունը:
«Պատրաստ եմ հեռանալ ցանկացած պահի: Ես դա արել եմ նախկինում, ես չեմ ուզում, որ իմ պատճառով լարվածություն լինի»,- ասել է վարչապետ Բորիսովը:
Նա հիմա խորհրդակցություններ է անցկացնում կոալիցիոն գործընկերների հետ:
Բուլղարիայում մարդիկ բողոքում են. նրանց համոզմամբ, Բորիսովի կառավարության օրոք երկրի պետական ինստիտուտները թուլացել են, և մեծ ազդեցություն են ստացել տեղացի օլիգարխները:
