Չեխիայի առողջապահության նախարարության փոխանցմամբ՝ երկրում գրանցվել է կորոնավիրուսի 9 հազար 887 դեպք, մահացել է 329 մարդ:
Չեխիան ամբողջությամբ բացել է սահմանները հարևան Սլովակիայի, Ավստրիայի և Գերմանիայի հետ և արտոնել է անարգել ուղևորությունները Հունգարիայի հետ:
Չեխիայից Գերմանիա մեկնողները պարտավոր են հետևել կորոնավիրուսի վերաբերյալ գերմանական օրենքներին:
Չեխիան մտադիր է հունիսի 15-ից արտոնել եվրոպական ավելի քան 20 երկրների քաղաքացիների անարգել մուտքը:
Վարակի տարածման առումով բարդ վիճակում գտնվող երկրներից Չեխիա ժամանողները պարտավոր են ներկայացնել կորոնավիրուսի թեստի բացասական արդյունքի մասին վկայող փաստաթուղթ կամ ժամանելուն պես ենթարկվել կարանտինի:
Չեխիայում մարդիկ այլևս կարող են դիմակներ չկրել փողոցներում, սակայն դրանք պարտադիր են հանրային տրանսպորտում և խանութներում:
Czech Airlines ավիաընկերությունը վերսկսել է չվերթները Փարիզ, Ֆրանկֆուրտ, Բուխարեստ, Կիև և Օդեսա:
