Շվեդիայի մայրաքաղաք Ստոկհոլմի բնակչության միայն 7,3 տոկոսն է ապրիլի վերջին կորոնավիրուսի դեմ հակամարմին ունեցել, վկայում են երկրի առողջապահության հարցերով գերատեսչության դեռևս շարունակվող հետազոտության նախնական արդյունքները: Թեստավորումն անցկացվել է պատահական սկզբունքով ընտրված հազար քաղաքացիների շրջանում:
Այս հանգամանքը կարող է խորացնել մտավախությունները, որ երկրում սահմանափակումներ չմտցնելը մոտ ապագայում կորոնավիրուսի նկատմամբ իմունիտետի առաջացման հարցում էական նշանակություն չի ունեցել:
Հետազոտության հեղինակները նշում են նաև, որ հաճախ հակամարմիններ ունեն 20-64 տարեկան անձինք:
Ստոկհոլմը համարվում է կորոնավիրուսից ամենաշատը տուժած շվեդական քաղաքը, մայրաքաղաքին են բաժին են ընկնում երկրի վարակակիրների ավելի քան մեկ երրորդը: Երկրում վարակակիրների թիվն ավելի քան 31 հազար է, զոհվել է շուրջ 3 հազար 800 մարդ:
Շվեդիան այն եզակի երկրներից է, որոնք հրաժարվել են հակահամաճարակային կոշտ սահմանափակումներից և կարանտինային միջոցառումներից:
