Իսրայելի Գերագույն դատարանում սկսվել են երկօրյա լսումներ, որոնց արդյունքում պետք է որոշում կայացվի կոռուպցիայի մեջ մեղադրվող վարչապետ Բենյամին Նեթանյահուին նոր կառավարություն կազմելու թույլտվություն տալու հարցով:
Բացասական որոշման դեպքում, ամենայն հավանականությամբ, կնշանակվեն արտահերթ ընտրություններ, ընդ որում դրանք կլինեն 2019-ի ապրիլից ի վեր թվով արդեն չորրորդ ընտրությունները:
Նեթանյահուն և նրա հիմնական մրցակից Բեննի Գանցը ստորագրել են կոալիցիոն կառավարություն կազմելու պայմանագիր:
Դա տեղի է ունեցել այն բանից հետո, երբ նախորդ երեք արտահերթ ընտրություններով միանշանակ հաղթող չի որոշվել:
Իսրայելի Գերագույն դատարանը Նեթանյահուի գործով վճիռը կհրապարակի մայիսի 7-ին:
