Նոր Զելանդիայի իշխանությունները հայտարարում են կորոնավիրուսի համաճարակի դեմ հաղթանակի մասին:
Մոտ 5 միլիոն բնակչություն ունեցող երկրում վարակվել է 1500 մարդ, մահացել՝ 19-ը:
Համաճարակի դեմ մի քանի շաբաթ տևած պայքարից հետո վարչապետ Ջասինդա Արդերնը հայտարարել է, որ երկրում վարակի նոր դեպքերը հատուկենտ են:
Վարակի առաջին դեպքերը հայտնաբերվելուն պես Նոր Զելանդիան կոշտ սահմանափակումներ էր ձեռնարկել՝ փակելով երկրի սահմանները, ռեստորանները, սրճարանները:
Այժմ երկիրը բացում է տնտեսությունը, սակայն որոշ սահմանափակումներ դեռ կպահպանվեն:
Նոր վարակակիրների նվազագույն թվեր են արձանագրվում նաև Հարավային Կորեայում, Վիետնամում, Ավստրալիայում, Չինաստանում:
