ԱՄՆ նախագահ Դոնալդ Թրամփը պնդում է, որ նավթ արդյունահանող պետություններին միավորող կազմակերպությունը` OPEC-ը, և Ռուսաստանը պատրաստ են կտրուկ կերպով կրճատել նավթի արդյունահանման ծավալները: Այս մասին Թրամփը գրել է Twitter-ի իր էջում:
«OPEC+ խումբը պատրաստ է օրական արդյունահանվող նավթի ծավալները կրճատել ոչ թե 10 միլիոն բարելով, ինչպես նախապես նշվում էր, այլ 20 միլիոնով», - գրել է Թրամփը:
Մեկ այլ գրառմամբ Սպիտակ տան ղեկավարը իր երախտագիտությունն է հայտնել Սաուդյան Արաբիայի և Ռուսաստանի ղեկավարներին` նավթի արդյունահանման ծավալների կրճատման շուրջ բանակցությունների ընթացքում ցուցաբերած կառուցողական դիրքորոշման համար:
Նավթի արդյունահանման ծավալների կրճատումը թույլ կտա խուսափել վառելիքի գնի հետագա նվազումից՝ կայունացնելով վիճակը միջազգային շուկայում:
