Անցած մեկ օրում միայն Միացյալ Նահանգներում մոտ 1,500 մարդ է մահացել նոր կորոնավիրուսի պատճառով, սա 24 ժամվա կտրվածքով որևէ երկրում արձանագրված ամենամեծ ցուցանիշն է` համաճարակի բռնկումից ի վեր:
Վարակի էպիկենտրոնը շարունակում է մնալ Նյու Յորքը, նահանգապետ Էնրյու Քուոմոն երեկ օգնության խնդրանքով դիմել է մյուս նահանգներին, զգուշացնելով` մի քանի օրից արդեն Նյու Յորքի հիվանդանոցներում ազատ մահճակալներ ու շնչառական սարքեր չեն լինի, բժշկական անձնակազմը ևս աշխատում է գերծանրաբեռնված:
Երկրով մեկ ընդհանուր առմամբ արձանագրվել է վարակի 278 հազար դեպք, մահացել է ավելի քան 7 հազար մարդ:
Իշխանությունները, այդ թվում` նախագահ Թրամփն ու երկրի թիվ մեկ համաճարակաբան Էնթոնի Ֆաուչին, երեկ խորհուրդ են տվել ամերիկացիներին հանրային վայրերում դիմակներ կրել` վիրուսի տարածումը կանխելու համար:
