Արցախում կանցկացվի նախագահական ընտրությունների երկրորդ փուլ, որտեղ կպայքարեն նախկին վարչապետ Արայիկ Հարությունյանն ու արտաքին գործերի նախարար Մասիս Մայիլյանը: Այսօր Կենտրոնական ընտրական հանձնաժողովի նախագահ Սրբուհի Արզումանյանը ներկայացրեց քվեարկության արդյունքները:
Քրիստին Բալայան– 202 ձայն կամ 0,3 տոկոս
Վիտալի Բալասանյան- 10,755 ձայն կամ 14,7 տոկոս
Սերգեյ Ամիրյան- 106 ձայն կամ 0,2 տոկոս
Դավիթ Բաբայան- 587 ձայն կամ 0,8 տոկոս
Բելա Լալայան- 162 ձայն կամ 0,2 տոկոս
Արայիկ Հարությունյան- 36,076 ձայն կամ 49,26 տոկոս
Հայկ Խանումյան- 962 ձայն կամ 1,3 տոկոս
Դավիթ Իշխանյան- 1873 ձայն կամ 2,56 տոկոս
Վահան Բադասյան- 743 ձայն կամ 1 տոկոս
Մասիս Մայիլյան- 19,360 ձայն կամ 26,4 տոկոս
Աշոտ Ղուլյան- 1683 ձայն կամ 2,3 տոկոս
Ռուսլան Իսրայելյան- 368 ձայն կամ 0,5 տոկոս
Աշոտ Դադայան- 198 ձայն կամ 0,3 տոկոս
Մելսիկ Պողոսյան- 141 ձայն կամ 0,2 տոկոս
Հիշեցնենք, որ Արցախում երեկ կայացել են նախագահական և խորհրդարանական ընտրություններ:
Եվրամիությունը հայտարարություն էր տարածել Արցախում անցկացվող ընտրությունների կապակցությամբ` վերահաստատելով նախորդ տարիներին հնչեցրած դիրքորոշումը:
«Եվրամիությունը չի ճանաչում այդ ընտրությունների սահմանադրական և իրավական շրջանակը», - հայտարարել է կառույցի խոսնակը՝ հավելելով. - «Այս քվեարկությունը չի կարող կանխորոշել Լեռնային Ղարաբաղի ապագա կարգավիճակի որոշումը կամ ազդել բանակցային գործընթացի արդյունքների վրա»:
Ղարաբաղը անջատվել է Ադրբեջանից 1991 թվականին, բայց մինչ օրս չի ճանաչվել որևէ պետության կողմից։ Պաշտոնական Բաքուն էլ միշտ դատապարտել է ղարաբաղյան ընտրությունները՝ դրանք որակելով ապօրինի։ Հայ-ադրբեջանական բանակցությունների միջնորդներ Մինսկի խմբի համանախագահ երկրները՝ ԱՄՆ-ը, Ռուսաստանը և Ֆրանսիան ևս քննադատել են ընտրությունները։
