Ուրուգվայում արձանագրվեց կորոնավիրուսով վարակվածի մահվան առաջին դեպքը: Նոր վիրուսի առաջին զոհը դարձավ երկրի պաշտպանության նախկին նախարար (1993-1995թթ.) 71-ամյա պատմաբան Ռոդոլֆո Գոնսալես Ռիսոտոն:
«Ազատության» հայկական ծառայության հետ հարցազրույցում երկրի առողջապահության փոխնախարար Խոսե Լուիս Սաչյանն ասաց, որ այսօրվա դրությամբ Ուրուգվայում կան կորոնավիրուսով դրական թեստավորված 303 հիվանդներ:
Իշխանությունները հորդորել են քաղաքացիներին մնալ տանը՝ վիրուսի տարածումը կանխելու նպատակով:
Ըստ մեկնաբանների՝ կորոնավիրուսի պատճառով երկրի տնտեսությունն անկման մեջ է, ինչը ստիպում է իշխանություններին օգնություն տրամադրել վնասված խավերին:
