Մարտի 28-ի առավոտյան դրությամբ Չեխիայում կորոնավիրուսով վարակվածների թիվը հասել է 2422-ի, մահացել է 9 հիվանդ:
Վարչապետ Անդրեյ Բաբիշն ասել է, որ կառավարությունն, ամենայն հավանականությամբ, ևս 30 օրով կերկարաձգի արտակարգ դրությունը:
Այն հայտարարվել է մարտի 12-ին՝ 30 օրով, և չերկարաձգվելու դեպքում պետք է ավարտվի ապրիլի 11-ին: Արտակարգ դրության երկարաձգումը Չեխիայի կառավարության դիմումով խորհրդարանն է հաստատում:
Այս շաբաթվա ընթացքում Չեխիայի իշխանությունները որոշ չափով մեղմել են առևտրի և տարատեսակ ծառայությունների նկատմամբ սահմանված արգելքները:
