Human Rights Watch իրավապաշտպան կազմակերպությունը խստորեն քննադատել է ադրբեջանցի ընդդիմադիր գործիչ Թովիգ Յագուբլուի ձերբակալությունը և կոչ արել անհապաղ ազատ արձակել նրան:
Իրավապաշտպան կազմակերպության մարտի 25-ի հայտարարությունում նշված է, որ ընդդիմադիր գործիչը խուլիգանության կեղծ մեղադրանքով ձերբակալվել է իշխանություններին քննադատելու համար:
Յագուբլուն ձերբակալվել է մարտի 22-ին: Նախկինում ևս նա հետապնդումների է ենթարկվել, ավելի քան երեք տարի անցկացրել բանտում: Արևմտյան իրավապաշտպան կառույցները նախկինում Թոֆիք Յագուբլուին ընդգրկել էին ադրբեջանցի քաղբանտարկյալների ցուցակում:
«Իշխանությունները պետք է անհապաղ ազատ արձակեն Յագուբլուին, դադարեցնեն ընդդիմության վրա ճնշումները, զբաղվեն քաղաքացիների առողջապահական խնդիրներով, մամուլին ազատ և անվտանգ աշխատելու հնարավորության տան», - նշված է Human Rights Watch-ի այսօրվա հայտարարությունում:
