ԱՄՆ-ում շարունակվում են կորոնավիրուսի տնտեսական հետևանքների հաղթահարման շուրջ քննարկումները

<p>&laquo;Սպիտակ տան կողմից կորոնավիրուսի հետևանքով ծագած տնտեսական ճգնաժամի հաղթահարմանն ուղղված <a href="https://www.azatutyun.am/a/30497145.html" target="_blank">գործողությունները</a> բավարար չեն&raquo;. - անցած գիշեր նման հայտարարությամբ է հանդես եկել Վերմոնթից ընտրված անկախ սենատոր, Միացյալ Նահանգների նախագահի պաշտոնում Դեմոկրատական կուսակցության կողմից առաջադրվելու համար պայքարող Բերնի Սանդերսը:</p> <p>&laquo;Եթե ամերիկյան պատմության մեջ եղել է մի ժամանակահատված, երբ Կոնգրեսը, հաշվի առնելով ճգնաժամի աննախադեպ &nbsp;ծավաները, պետք է աննախադեպ քայլերի դիմեր, ապա այսօր հենց այդ պահն է: Հանրապետականների ներկայացրած առաջարկը, սակայն, խիստ թերի է: Կառավարության նպատակը պետք է լինի շարքային քաղաքացիներին, այլ ոչ թե ավիաընկերություններին կամ տուրիզմի ոլորտին ուղղակի օժանդակության ցուցաբերումը&raquo;, - հայտարարում էր Սանդերսը:</p> <p>Սպիտակ տունը և Կոնգրեսի դեմոկրատական մեծամասնությունն այս շաբաթասկզբին էին ընդհանուր հայտարարի եկել կորոնավիրուսի համաճարակի տնտեսական հետևանքների դեմ հակաճգնաժամային փաթեթի ընդունման շուրջ: Նախագահ Դոնալդ Թրամփի թիմակիցների առաջարկով նախատեսվում է երկրում տնտեսական խոր ճգնաժամը կանխելու նպատակով ընդհանուր առմամբ շուրջ 1 տրիլիոն դոլարի օգնություն տրամադրել ինչպես շարքային քաղաքացիներին, այնպես էլ ճգնաժամից առավել տուժած ընկերություններին:</p> <p>Հակաճգնաժամային փաթեթի վերջնական հաստատման շուրջ բանակցությունները շարունակվելու են նաև առաջիկա օրերին: Սենատում ներկայացված դեմոկրատների համոզմամբ, սակայն, հանրապետականները խնդիրը դիտարկում են նախևառաջ տնտեսական &nbsp;տեսանկյունից, ինչը սխալ է:</p> <p>&laquo;Եթե մենք արդյունավետորեն չպայքարենք առողջապահական ճգնաժամի դեմ, մեր որևէ քայլ տնտեսության վիճակը չի բարելավի&raquo;, - ուրբաթ երեկոյան հայտարարում էր Սենատում դեմոկրատական փոքրամասնության ղեկավար &nbsp;Չաք Շումերը:</p> <p>&nbsp;</p> <p>&nbsp;</p> <p>&nbsp;</p>