Համաշխարհային հակադոպինգային գործակալությունը (WADA) առաջարկում է Ռուսաստանին չորս տարով զրկել մարզական մրցումներին մասնակցությունից՝ հակադոպինգային կանոնակարգին չհամապատասխանելու պատճառով:
WADA-ի գործադիր կոմիտեն դեկտեմբերի 9-ին կքննարկի այս առաջարկությունը, ասված է հայտարարության մեջ: Եթե առաջարկն ընդունվի, Ռուսաստանը կզրկվի հաջորդ տարի Տոկիոյում անցկացվելիք ամառային Օլիմպիական խաղերին և 2022 թվականին Պեկինում կայանալիք ձմեռային Օլիմպիական խաղերին մասնակցելու հնարավորությունից։
