Ազգային ժողովի պատգամավոր Արման Բաբաջանյանը այսօր տեսակցել է «Հոկտեմբերի 27»-ի գործով ցմահ ազատազրկման դատապարտված ահաբեկչական խմբավորման ղեկավար Նաիրի Հունանյանին։ Այս մասին իր ֆեյսբուքյան էջում գրել է Բաբաջանյանը։
«Երևան Կենտրոն» ՔԿՀ-ում 20 տարվա մեջ առաջին անգամ շուրջ երկու ժամ առանձնազրույց ունեցա Հոկտեմբերի 27-ի ահաբեկչական խմբի պարագլուխ Նաիրի Հունանյանի հետ», - գրել է Բաբաջանյանը»:
Նա նշել է՝ բազմաթիվ պատասխանների հետ առաջ եկան բազմաթիվ հարցականներ՝ շարունակելով. «Որոնք պետք է երկար վերլուծել, հասկանալ, բայց Հոկտեմբերի 27-ի գլխավոր շահառուները՝ հակահեղափոխական ճամբարներից հանդես եկող ռևանշիստական ուժերի պարագլուխները պետք է միշտ հիշեն՝ Վազգեն Սարգսյանի, Կարեն Դեմիրճյանի, Յուրա Բախշյանի, Ռուբեն Միրոյանի, Հենրիկ Աբրահամյանի, Արմենակ Արմենակյանի, Լեոնարդ Պետրոսյանի, Միքայել Քոթանյանի դաժան սպանությամբ Հայաստանի պետությանն ու պետականությանը այս ահաբեկչական սպանդի հետևանքով հասցված վնասը չի ներվելու և որևէ մեկն անպատիժ չի մնալու»:
Նաիրի Հունանյանը հոկտեմբերի 22-ին պայմանական վաղաժամկետ ազատ արձակման դիմում էր ներկայացրել։
