Ռեջեփ Էրդողանի խոսքով՝ եթե սիրիացի քրդերը չկատարեն Վաշինգտոնի և Անկարայի միջև ձեռք բերված պայմանավորվածությունները, «Թուրքիան ավելի մեծ վճռականությամբ կվերսկսի ռազմական գործողությունը Սիրիայի հյուսիս-արևելքում»:
«Մենք այդ քայլին կդիմենք, եթե Միացյալ Նահանգների կողմից մեզ տրված խոստումները չկատարվեն», - հայտարարել է Թուրքիայի նախագահը այսօր Սոչի մեկնելուց առաջ:
Մի քանի ժամից ռուսական այս քաղաքում մեկնարկելու են Ռուսաստանի և Թուրքիայի նախագահների բանակցությունները, որոնց առանցքային թեման լինելու է Սիրիայում ստեղծված կացությունը:
