Կատալոնիայում շարունակվող անկարգությունների, ցուցարարների և ոստիկանների միջև բախումների հետևանքով անցած գիշեր 70 մարդ է վիրավորվել: Երկու տասնյակից ավելի ձերբակալվածներ կան:
Բողոքի զանգվածային նոր ցույցերի պատճառը Կատալոնիայի անջատականների առաջնորդների նկատմամբ կայացված դատավճիռներն են: Երկուշաբթի օրը Իսպանիայի Գերագույն դատարանը 9-ից մինչև 13 տարվա ազատազրկման է դատապարտել Կատալոնիայի անկախության շարժման ղեկավարներին:
