Ռուսաստանի նախագահը մեկ շաբաթից կժամանի Հայաստան՝ մասնակցելու Եվրասիական տնտեսական միության Բարձրագույն խորհրդի նիստին: «Այո, Վլադիմիր Պուտինը հոկտեմբերի 1-ին կմեկնի Երևան», - ՏԱՍՍ-ին ասել է Կրեմլի խոսնակ Դմիտրի Պեսկովը:
Ավելի վաղ այս տեղեկությունը հաստատել էր նաև Ռուսաստանի փոխարտգործնախարար Անդրեյ Ռուդենկոն: «Ռուսաստանը և Հայաստանը վստահորեն առաջ են շարժվում բազմակողմ համագործակցությունն ամրապնդելու ուղղությամբ: Իշխանության բարձր մակարդակներում ինտենսիվ քաղաքական երկխոսությունը պահպանվում է», - ասել էր ԱԳ փոխնախարարը ՌԻԱ «Նովոստի» գործակալությանը:
