Իսրայելում նորընտիր Քնեսեթը ինքնալուծարման որոշում է կայացրել, քանի որ վարչապետ Բենյամին Նեթանյահուին, առաջին անգամ երկրի պատմության մեջ, չի հաջողվել սահմանված ժամկետում կոալիցիոն կառավարություն ձևավորել: Նոր ընտրությունները տեղի կունենան սեպտեմբերի 17-ին:
Նեթանյահուի «Լիքուդ» կուսակցությունը տեսականորեն կարող էր կոալիցիա ձևավորել աջակողմյան մյուս ուժերի հետ, սակայն նրանցից մեկը՝ պաշտպանության նախկին նախարար Ավիգդոր Լիբերմանի կուսակցությունը, որը հինգ մանդատ էր ստացել 120-տեղանոց խորհրդարանում, այդպես էլ չհամաձայնեց միանալ:
Նեթանյահուն փորձել էր համագործակցության եզրեր գտնել նաև ձախակողմյան Աշխատանքային կուսակցության հետ, բանակցությունները, սակայն, արդյունք չէին տվել:
