Հայաստանի երկրորդ նախագահ Ռոբերտ Քոչարյանի փաստաբան Հայկ Ալումյանը այսօր «Ազատության» հետ զրույցում հաստատեց, որ վաղը նախկին նախագահը ներկա չի լինելու իր գործով դատական նիստին:
«Երկրորդ նախագահը նպատակահարմար չի համարում նիստին ներկայանալը», - ասաց Ալումյանը:
Հայաստանի նախկին նախագահը ներկայումս կալանքի տակ է, նա «Մարտի 1»-ի գործով մեղադրվում է սահմանադրական կարգը տապալելու համար: Դատարանը մինչև հունվարի 9-ը հետաձգել էր Քոչարյանին կալանքից գրավով ազատ արձակելու միջնորդության քննությունը:
