Ազգային ժողովը հոկտեմբերի 22-ին չընդունեց «Հայաստանի Հանրապետության ընտրական օրենսգիրք» սահմանադրական օրենքում փոփոխություններ և լրացումներ կատարելու մասին» նախագիծը։ Սակայն պատգամավորների նախաձեռնությամբ այն նորից կքննարկվի հոկտեմբերի 29-ին`արտահերթ նիստում: Եթե այդ ժամանակ էլ խորհրդարանը չընդունի այն, դեկտեմբերին սպասվող արտահերթ խորհրդարանական ընտրությունները կանցկացվեն գործող օրենսգրքով: «Ազատության» ուղիղ եթերում «Տեսակետների խաչմերուկ» հաղորդաշարում այս ամենի մասին զրուցել ենք ՀՀԿ գործադիր մարմնի անդամ, ՀՀԿ խմբակցության պատգամավոր Գագիկ Մինասյանի և «Ելք» խմբակցության քարտուղար, «Լուսավոր Հայաստան» կուսակցության խորհրդի անդամ Գևորգ Գորգիսյանի հետ: