Հոկտեմբերի 23-ին Ազգային ժողովի քննարկմանը կներկայացվի դատապարտյալների համաներման նախագիծը: Այս մասին Երևանի քաղաքապետարանում լրագրողների հետ զրույցում հայտնեց արդարադատության նախարար Արտակ Զեյնալյանը՝ հավելելով, որ դա լինելու է «ամենածավալուն համաներումը»:
Կառավարությունն արդեն հավանություն է տվել համաներում հայտարարելու մասին նախագծին: «Նախագիծը հոկտեմբերի 23-ին կներկայացվի Ազգային ժողովի քննարկմանը: Մինչ այդ քննարկումները փակ են», - ասաց Զեյնալյանը:
