Քննչական կոմիտեն հաղորդում է, որ դատարանը բավարարել է Հայկ Սարգսյանին կալանավորելու միջնորդությունը:
Նախկին նախագահ Սերժ Սարգսյանի եղբորորդուն՝ Հայկ Սարգսյանին մեղադրանք էր առաջադրվել սպանության փորձ կատարելու, ապօրինի կերպով հրազեն և ռազմամթերք ձեռք բերելու ու պահելու համար։
Նրա նկատմամբ որպես խափանման միջոց էր ընտրվել կալանավորումը։ Ավելի վաղ ՔԿ նախագահի խորհրդական Սոնա Տռուզյանն «Ազատությանն» ասել էր, որ այս հարցով քննիչը միջնորդություն է ներկայացրել դատարան, սակայն այնտեղ դեռ որոշում չի կայացվել։
