Ադրբեջանը բացել է «Հարավային գազային միջանցք» (SGC) նախագիծը, որի նպատակն է Կասպից ծովից Եվրոպա տեղափոխել բնական գազը՝ շրջանցելով Ռուսաստանը:
«Այս նախագծով մենք Եվրոպայի էներգետիկ նոր քարտեզն ենք ստեղծում», - ասել է երկրի նախագահ Իլհամ Ալիևը նախագծի մեկնարկի հանդիսավոր արարողության ժամանակ:
«Հարավային գազային միջանցքի» նպատակն է գազի տեղափոխումը Կասպից ծովից մինչև Եվրոպա 3.5 հազար կիլոմետր հեռավորության վրա: Ակնկալվում է, որ մինչև տարեվերջ Եվրոպա կմատակարարվի շուրջ 10 միլիարդ խորանարդ մետր բնական գազ:
