Դատարանը երեկ հրաժարվել է Միացյալ Նահանգների նախագահի նախկին խորհրդական Փոլ Մանաֆորտի դեմ հատուկ դատախազ Ռոբերտ Մյուլերի հարուցած գործը կարճել այն հիմքով, որ գործը կապ չունի 2016-ի ամերիկյան ընտրություններին Ռուսաստանի ենթադրյալ միջամտության հետ։
Դատավոր Էմի Բերմանը որոշել է, որ տվյալ գործը չափազանց ընդհանրացված կամ անճիշտ չէ, չնայած ուղղակիորեն կապված չէ ընտրությունների հետ:
Մանաֆորտը մեղադրվում է Ուկրաինայի նախկին նախագահ Վիկտոր Յանուկովիչի համար լոբբիստական գործունեություն ծավալելու կապակցությամբ՝ նախքան Դոնալդ Թրամփի խորհրդական դառնալը: Նա մեղադրվում է փողերի լվացման, ԱՄՆ-ի դեմ դավադրության և որպես օտարերկրյա կառավարության լոբբիստ չգրանցվելու մեջ:
