Վանաձորում շարունակվում է երեկոյան քաղաքի կենտրոնական հրապարակում անցկացվելիք հանրահավաքի իրազեկման երթը:
Հանրահավաքը նախատեսվում է սկսել ժամը 19-ին՝ նույն ժամին, երբ վարչապետ Սերժ Սարգսյանի հրաժարականը պահանջող ցուցարարներին առաջնորդող Նիկոլ Փաշինյանը կոչ է արել հանրահավաք անցկացնել Երևանի Հանրապետության հրապարակում:
Այսօր ավելի վաղ Վանաձորում ոստիկանների և ցուցարարների միջև բախում էր տեղի ունեցել, մեկ անձ բերման էր ենթարկվել։
