Միացյալ Նահանգների նախագահ Դոնալդ Թրամփը կարծում է, որ իրավունք ունի հատուկ դատախազի պարտականություններից ազատելու Ռոբերտ Մյուլերին: Այս մասին երեկ հայտարարել է Սպիտակ տան խոսնակ Սառա Սանդերսը:
Նրա խոսքով՝ Թրամփը կարծում է, որ իր նախագահական ընտրարշավի և Ռուսաստանի հնարավոր կապերի մասին Մյուլերի հետաքննությունը «շատ հեռուն է գնացել», այն բանից հետո, երբ ապրիլի 9-ին Հետաքննությունների դաշնային բյուրոյի աշխատակիցները խուզարկել են ԱՄՆ նախագահի անձնական փաստաբան Մայքլ Քոենի գրասենյակները:
Ավելի վաղը Թրամփը Մյուլերին մեղադրել էր «վհուկների որս» կազմակերպելու մեջ:
Արդարադատության նախարարության կանոնների համաձայն՝ միայն գլխավոր դատախազի տեղակալ Ռոդ Ռոզենսթայնը, ով վերահսկում է «ռուսական գործով» հետաքննությունը, կարող է պարտականություններից ազատել Մյուլերին:
