Էրդողանը փետրվարի սկզբին կայցելի Ուրուգվայ, հայ համայնքը պատրաստվում է բողոքի ակցիաների

Թուրքիայի Ռեջեփ Էրդողանի գլխավորած պատվիրակությունը փետրվարի 7-8-ը այցելելու է Ուրուգվայ:

Ինչպես «Ազատությանը» փոխանցեցին դիվանագիտական աղբյուրները, Մոնտեվիդեոյում Էրդողանին ընդունելու է Ուրուգվայի նախագահ Տաբարե Վասկեսը: Այսօր հայտնի դարձավ, որ 200-հոգանոց պաշտոնական պատվիրակությունում 100-ը անվտանգության աշխատակիցներն են:

Ուրուգվայի հայկական կառույցները դատապարտելու են Էրդողանի այցը՝ իրականացնելով զանազան բողոքի գործողություններ:

Դիեգո Կարամանուկյան, Մոնտեվիդեո