Տավուշի մարզում երեկ ադրբեջանական կողմի կրակոցից վիրավորվել է ՊՆ N զորամասի զինծառայող Ադիբեկ Միկոյանը։ Այդ մասին «Ազատության»-ը փոխանցեց Պաշտպանության նախարարության մամուլի խոսնակ Արծրուն Հովհաննիսյանը։
Ըստ ՊՆ խոսնակի, վիրավոր զինծառայողն այժմ գտնվում է «Մուրացան» կենտրոնական կլինիկական զինվորական հոսպիտալում։ «Նրա կյանքին վտանգ չի սպառնում, նույնիսկ վերակենդանացման բաժանմունքում չի հիմա», - ասաց Հովհաննիսյանը։
Իրավիճակը Տավուշում, ըստ Հովհաննիսյանի, այս պահին հանգիստ է։
