Պակիստանի հարավարևմտյան Քետա քաղաքի եկեղեցու մոտ տեղի ունեցած պայթյունի հետևանքով առնվազն 7 մարդ զոհվել է, 30-ը՝ վիրավորվել:
Ըստ պաշտոնական տվյալների, միջադեպում ներգրավված են եղել երկու մահապարտներ: Նրանցից մեկը գործի է դրել պայթուցիկը դարպասների մոտ, երբ շուրջ 400 քրիստոնյաներ, այդ թվում և 7 զոհված անձինք, գտնվել են եկեղեցու ներսում: Իրավապահները հայտնում են, որ զոհերի մահվան պատճառը հիմնականում դարպասներից ու պատուհաններից ստացած բեկորային վնասվածքներն են:
Մյուս մահապարտին ոստիկանությունը վնասազերծել է նախքան նա կիրականացներ հաջորդ պայթյունը:
Քրիստոնյաները փոքրամասնություն են 200 միլիոն բնակչություն ունեցող Պակիստանում: Մյուս կրոնական փոքրամասնությունների նման նրանք խտրականության և հարձակման զոհ են դառնում իսլամիստ զինյալների կողմից:
