ԲՐԻԿՍ-ի անդամ հինգ երկրները երեկ Չինաստանում ընթացող գագաթաժողովին աննախադեպ հայտարարություն են արել՝ Պակիստանում գործող զինյալ խմբավորումների վերաբերյալ:
Բրազիլիան, Ռուսաստանը, Հնդկաստանը, Չինաստանը և Հարավային Աֆրիկան այդ խմբավորումները որակել են որպես տարածաշրջանի սպառնալիք՝ կոչ անելով դրանց անմիջապես վերջ տալ Աֆղանստանում տեղի ունեցող բռնություններին:
Ավելի վաղ ԱՄՆ-ի նախագահ Դոնալդ Թրամփն էր խիստ քննադատության ենթարկել Պակիստանին՝ այդ երկրին մեղադրելով ահաբեկիչներին աջակցելու մեջ: «Եվ դա այն պարագայում, երբ Միացյալ Նահանգները միլիարդավոր դոլարներ է վճարում Պակիստանին», - ասել էր Թրամփը՝ շարունակելով․ - «Ժամանակն է, որ Պակիստանն ի ցույց դնի իր հավատարմությունը քաղաքակրթությանը, կարգուկանոնին ու խաղաղությանը»:
