Միացյալ Նահանգների Կոնգրեսի Ներկայացուցիչների պալատը երեկ գրեթե միաձայն մի բանաձև է ընդունել, որով վերահաստատել է ԱՄՆ-ի հանձնառությունը ՆԱՏՕ-ում ստանձնած պարտավորություններին:
Բանաձևը նաև կոչ է անում Հյուսիսատլանտյան դաշինքի անդամներից յուրաքանչյուրին մինչև 2024 թվականը համախառն ներքին արդյունքի առնվազ 2 տոկոսն ուղղել պաշտպանության ոլորտին: Նման պահանջով մասնավորապես հանդես է գալիս Միացյալ Նահանգների նախագահ Դոնալ Թրամփը, ով բազմիցս քննադատել է դաշնակիցներին՝ դժգոհելով ՆԱՏՕ-ին նրանց ֆինանսական հատկացումների չափից:
