Գյումրիում հաղթել է «Ծառուկյան» դաշինքը՝ ստանալով 26 հազար 144 քվե, Հանրապետական կուսակցությունը (ՀՀԿ) ստացել է 21 հազար 824 ձայն:
Համեմատելով 2012 թվականի ընտրությունների արդյունքերի հետ՝ «Բարգավաճ Հայաստան» կուսակցությունը (ԲՀԿ) Գյումրիում կորցրել է 457 քվե՝ 2012-ին այն Գյումրիում ստացել էր 26 հազար 601 ձայն: Փոխարենը՝ ՀՀԿ-ն ավելացրել է իր քվեների թիվը 7 հազար 166-ով։ Նշենք, որ 2012-ին ՀՀԿ-ն Գյումրիում ստացել էր 14 հազար 658 ձայն:
