Խարկովի մարզում տեղակայված ուկրաինական ամենամեծ ռազմական պահեստներից մեկում պայթյուն է որոտացել։
«Ռազմական պահեստում տեղի ունեցածը դիվերսիա է», - Ֆեյսբուքում գրել է Ուկրաինայի գլխավոր զինվորական դատախազ Անատոլի Մատիոսը՝ վկայակոչելով Խարկովի զինվորական կայազորային դատախազի կողմից իրականացված հետաքննության արդյունքները։
Մատիոսը հայտնել է, որ պայթյունը տեղի է ունեցել այն հատվածում, որտեղ տեղադրված են հրթիռահրետանային արկերը, այնուհետև հրդեհ է բռնկվել, և զինամթերքը սկսել է պայթել։
Պահեստի հարակից տարածքից՝ մոտ հինգ կիլոմետր շառավղով, բնակիչները տարհանվել են։
Զոհերի և վիրավորների մասին հաղորդումներ դեռ չկան։
