Իրաքի վարչապետ Հայդա ալ-Աբադին հայտարարել է, որ մեկնարկել են Մոսուլի արևմտյան մասը «Իսլամական պետությունից» ազատագրելու ռազմական գործողությունները:
«Մենք հայտարարում ենք գործողության նոր փուլի մասին», - այսօր ելույթ ունենալով հեռուստատեսությամբ՝ ասել է վարչապետը․ - «Մենք գալիս ենք․․․ Մոսուլի արևմտյան մասն ազատագրելու: Մեր ուժեր սկսում են քաղաքացիների ազատագրումը «Դաեշի» ահաբեկչությունից»:
Տարբեր գնահատականներով Մոսուլում «Իսլամական պետության» վերահսկողության տակ է մանում 650 հազարից 800 հազար մարդ:
Իրաքի զինուժն այսօր նաև հայտարարել է, որ գրավել է Աթբահ և Ալ-Լազագա գյուղերը և առաջ է շարժվում դեպի Մոսուլի օդակայան: Հոկտեմբերից մեկնարկած՝ Միացյալ Նահանգների աջակցությամբ ընթացող գործողության արդյունքում ազատագրվել է Մոսուլի արևելյան մասը:
«Իսլամական պետությունը» Մոսուլը գրավել է 2014-ին: Զինյալները քաղաքը հայտարարել էին Իրաքում իրենց «խալիֆայության» մայրաքաղաքը:
