Փրկարարները Rigopiano հյուրանոցի փլատակներից դուրս են բերել բոլոր զոհվածների մարմինները։ Այսպիսով, զոհվածների թիվը հասավ 29-ի։
Հիշեցնենք, հունվարի 18-ին Կենտրոնական Իտալիայի Գրան-Սասո լեռնային շրջանում երկրաշարժին հաջորդած ուժեղ ձնահյուսի պատճառով հյուրանոցը մնացել է ձյան հաստ շերտի տակ։ Փրկարարներին հաջողվել է փրկել 11 անձի, այդ թվում՝ 4 երեխա։
Նշենք, որ հունվարի 24-ին նույն շրջանում, երբ փրկարարները փորձել են տարածքից տարհանել վնասվածք ստացած դահուկորդին, նրանց ուղղաթիռը կործանվել է, ինչի հետևանքով վեց մարդ է մահացել։
