Նախագահ Դոնալդ Թրամփը հրամանագիր է ստորագրել Տրանս-Խաղաղօվկիանոսյան համագործակցությունից Միացյալ Նահանգների դուրս գալու մասին։
ԱՄՆ նախագահը հրամանագիրը ստորագրել է Սպիտակ տան Օվալաձև սրահում՝ լրագրողների ներկայությամբ։
Դեռ նոյեմբերին Թրամփը հայտարարել էր, թե պաշտոնավարման առաջին իսկ օրը չեղյալ է հայտարարելու ԱՄՆ-ի մասնակցությունն այս համաձայնագրին:
Փաստաթղթով Խաղաղ օվկիանոսի ավազանում գտնվող 12 պետություններ ազատ առևտրի գոտի են ստեղծել, ինչը, ըստ Թրամփի, հանգեցնելու է աշխատատեղերի հետագա կրճատմանը Միացյալ Նահանգների տարածքում:
«Այս համաձայնագիրը մեր երկրի համար կարող է աղետի վերածվել», - նոյեմբերին YouTube-ում տեղադրված իր ուղերձում ասել էր Թրամփը։
