Իտալիայի Գրան-Սասո լեռներում երկրաշարժին հաջորդած ձնահոսքից «Ռիջոպիանո» հյուրանոցը մնացել է ձյան հաստ շերտի տակ։ Դեպքը տեղի է ունեցել երեկ երեկոյան։ Նախնական տվյալներով՝ հյուրանոցում մոտ 30 մարդ է գտնվում, զոհերի թվի մասին դեռևս տեղեկություններ չկան։
Եղանակային վատ պայմանների պատճառով փրկարարներին մի քանի ժամ չի հաջողվել հասնել հյուրանոց, իսկ հեռախոսազանգերին այնտեղ չեն պատասխանում։
