Երեկ Աֆղանստանի Քանդահար քաղաքում Ընդունելությունների տան մոտ տեղի ունեցած պայթյունից 7 մարդ է զոհվել, այդ թվում՝ Արաբական Միացյալ Էմիրությունների (ԱՄԷ) 5 դիվանագետներ, ովքեր Ընդունելությունների տանը տեղական իշխանությունների բարձրաստիճան ներկայացուցիչների և օտարերկրյա դիվանագետների հետ մասնակցում էին նիստի։
18 մարդ վիրավորվել է, այդ թվում՝ Աֆղանստանում ԱՄԷ-ի դեսպանն ու Քանդահարի նահանգապետը։
Արաբական Միացյալ Էմիրություններում եռօրյա սուգ է հայտարարվել։
Որևէ մեկը չի ստանձնել հարձակման պատասխանատվությունը։ Թալիբները հերքում են իրենց ներգրավվածությունը այդ հարձակման մեջ։
