Ֆրանսիայի «Ազգային ճակատ» աջակողմյան կուսակցության առաջնորդ Մարին Լե Պենը, ով առաջադրվել է 2017 թվականի Ֆրանսիայի նախագահի ընտրություններում, հայտարարել է, թե Եվրոպայում անվտանգության խնդիրների մեղավորը Շենգենյան գոտում ազատ տեղաշարժվելու սկզբունքն է:
Լե Պենի խոսքերով, ազգային սահմանների բացակայությունը հանգեցրել է նրան, որ բեռլինյան ահաբեկչության մեջ կասկածվողը մի քանի եվրոպական երկրի սահման է հատել, մինչև Իտալիայի ոստիկանության կողմից նրա վնասազերծումը:
Նախագահական ընտրություններում հաղթելու դեպքում նա խոստանում է Ֆրանսիան դուրս բերել Շենգենյան համաձայնագրից:
Ֆրանսիայի նախագահական ընտրությունները տեղի կունենան 2017 թվականի գարնանը. Վերջին սոցհարցումների համաձայն, Լե Պենին կհաջողվի երկրորդ փուլ անցնել:
